Facebook Twitter Youtube Envelope
Somos unha cooperativa de traballo asociado sen ánimo de lucro que desenvolve o seu labor desde o ano 2018. O noso traballo ten como eixo vertebrador o impulso de procesos educativos e de investigación e intervención social que pretenden tecer redes de participación e cooperativismo tendo en conta a perspectiva feminista en todos eles. Traballamos coa administración pública, entidades e organismos do terceiro sector, asociacións, centros educativos e empresa privada.

Nós

Tania Merelas Iglesias

Doutora en Ciencias da Educación, posgrao en Xénero e Políticas Públicas de Igualdade e diplomada en educación social.

Formadora especializada en igualdade de xénero e prevención de violencias machistas. Especialista en procesos de investigación – acción e desenvolvemento comunitario.

Beatriz López Rey

Licenciada en Ciencias Políticas, posgrao en Cooperación Internacional e Xestión de ONG.

Especialista en investigación en políticas locais de xénero. Experiencia en procesos centrados na participación cidadá e dereitos humanos. Formadora especializada en igualdade de xénero.

Juanjo Lorenzo Castiñeiras

Doutor en Ciencias de Educación e licenciado en Socioloxía.

Especialista en masculinidades non hexemónicas, lecer e tempo libre, metodoloxías de investigación e análise estatística. Profesor asociado na Facultade de Ciencias da Educación e integrante da Comisión de Igualdade (Universidade da Coruña).

Belen Gavín Bermúdez

Licenciada en Psicoloxía, posgrao en Xénero e Igualdade e mestrado en Orientación Educativa.

Psicóloga especializada na intervención educativa, psicosocial e comunitaria dende un enfoque sistémico e de xénero. Experiencia na atención a mulleres e a colectivos en contextos vulnerabilidade.

Factorías de traballo

Investigación-acción

Deseñamos, executamos e avaliamos investigacións, estudos e plans de acción no ámbito socioeducativo e da igualdade de xénero. Tamén elaboramos materiais específicos de prevención, sensibilización e atención en formato escrito, gráfico ou adiovisual: tales como guías, unidades didácticas, exposicións, pezas audiovisuais ou publicacións.

Formación

Organizamos procesos formativos para pór en valor a igualdade de xénero e a prevención da violencia machista.Tamén deseñamos procesos de apoderamento colectivo para mulleres. Empregamos metodoloxías activas e participativas partindo de propostas innovadoras e actualizadas.

Sensibilidades

Coordinamos campañas de sensibilización con impacto a nivel comunitario para a promoción dunha cultura da igualdade e da prevención da violencia machista. Traballamos en prol da conciencia social dende unha perspectiva participativa, tendo en conta a implicación dos diferentes axentes sociais.

Intervención psicosocial e coidados

Desenvolvemos servizos, programas e proxectos encamiñados a promover o benestar psicolóxico e social de persoas, grupos e comunidades. Facémolo dende unha perspectiva feminista, poñendo os coidados no centro, promovendo e facilitando cambios que conduzan a unha sociedade máis xusta e igualitaria e establecendo redes que faciliten o empoderamento.

Pincha aquí para descargar o noso cartafol de servizos para concellos, centros educativos, ANPAS, sector privado e terceiro sector.

Programas propios

EspadELA: Escola de apoderamento feminista para mulleres do rural
 
A escola nace en 2018 grazas ao apoio da Deputación da Coruña e da alianza co Sindicato Labrego Galego. O seu obxectivo xeral é fomentar a participación das mulleres na vida comunitaria a través de procesos de apoderamento persoal, social e político.

Facebook
Blog
EspadELA:
Historias de vida
 
EspadELA: Historias de vida é unha publicación que foi premiada no II Concurso de Ideas “Luísa Villalta” de Proxectos Culturais pola Igualdade da Deputación da Coruña. O libro xorde co obxectivo de darlles voz a mulleres do común que habitan as nosas aldeas.

Autoría: Tania Merelas Iglesias e Beatriz López Rey
Fotografía: Lucía Catoira Pan
Deseño e maquetación: María Álvarez Hortas
Revisión: Samuel Solleiro González

Investigación-acción

Guías específicas

#SEXOconSENSO, unha guía elaborada para o CIM de Monforte específica centrada na prevención de violencia sexual

Plans e Estratexias Municipais de Igualdade

Elaboración de plnas de igualdade a nivel municipal, como por exemplo no caso de Carnota, Rianxo, Ribadeo, Vilalba ou a Estratexia Municipal de Prevención de Violencias Machistas e Fomento da Igualdade entre Mulleres e Homes 2019 – 2023 do Concello de Valdoviño.

Procesos sociais participativos

Carnota Amiga da Infancia. Apoio técnico ao Concello de Carnota na participación no VIII Selo das Cidades Amigas da Infancia do Comité Español UNICEF

Plans de Igualdade para empresas

Plan de Igualdade para empresas como Accede Social ou Trabe Solucións.

Formación

Masculinidades non hexemónicas

Formación dirixida a mozos e homes en coordinación coas compañeiras de Atalaia Social para a campaña “Non é posible sen vós” do Concello da Coruña en 2019.

Prevención de violencias na comunidade educativa

Obradoiro Game Over centrado na prevención de violencias machistas a través da ilustración en coordinación coa compañeira María Álvarez Hortas, Yupiyeyo, para alumnado da ESO no IES de Vilalba.

Formación para o persoal técnico e político da administración municipal

Formación centrada na prevención de violencia machista e na integración da perspectiva de xénero nas políticas locais para Concellos como Boimorto ou Pontedeume.

Prevención de violencias machistas nas familias

Obradoiros dirixido a familias no programa “Fomentando a coeducación e o bo trato como claves para unha vida sen violencia” en coordinación coas compañeiras de Atalaia Social para a ANPA Faro da Coruña.

Sensibilidades

Campañas de sensibilización

Súmate á Igualdade é unha campaña de prevención de violencias machistas do Concello de Carnota.

Procesos de sensibilización e prevención

Ribadeo Camiño Seguro é un proceso de investigación, sensibilización e prevención en coordinación coas compañeiras de 7hcoop que derivou nun Pacto Municipal en contra das violencias machistas no Camiño do Norte.

Intervención psicosocial e coidados

Atención e intervención en casos de violencia sexual

Xestión e coordinación de puntos de atención e prevención de violencias machistas, especialmente violencia sexual en contextos nocturnos.

Protocolos de prevención e atención

Elaboración de protocolos de prevención e atención en casos de violencia machista: acoso sexual e por razón de sexo no ámbito laboral ou de violencia sexual. Como por exemplo o protocolo de prevención e atención de acoso sexual de Accede Social.

Intervención psicosocial

Dinamización de espazos grupais de intervención psicolóxica para mulleres

Sexualidade

Formación centrada na exploración da sexualidade e do pracer desde un enfoque físico, emocional e social.