"Non o deixes para mañá, se podes deixalo hoxe"

Esta formación ten como obxectivo de achegarnos ao concepto posicionado pola economía feminista “novos usos do tempo” e que ten que ver coa idea de posicionar “a vida no centro”. Cando se nomea esta expresión se fai referencia á necesidade de pór en valor o traballo reprodutivo e os coidados fronte o traballo produtivo e o mercado. Tradicionalmente a nosa sociedade construíuse baixo un prisma que soamente puxo en valor o traballo produtivo e remunerado, deixando invisible todos os traballos que teñen que ver co sostén da vida e que non foron remunerados, aqueles que foron e son desenvolvidos maioritariamente por mulleres. A través de este tema achegarémonos a alternativas e experiencias que loitan por modelos de traballo conciliadores e corresponsables.  Todos os materiais están atravesados polo enfoque de ruralidades, para decatarnos no contexto peculiar dos nosos territorios. 

A formación estará dirixida ao conxunto da comunidade, facendo especial fincapé no persoal técnico, administrativo e político municipal e nas entidades e tecido asociativo da cidade. Trátase dunha formación especializada de 65 horas de duración que combina varias técnicas: virtual, teleformación e presencial. 

Os contidos abordados teñen que ver con establecer un marco previo estrutural para logo incidir en elementos de relevancia nos estudos de xénero de actualidade, tales como as violencias machistas, comunicación inclusiva e non sexista , economía feminista e novos usos do tempo ou diversidades e disidencias sexuais.

O Lavadoiro é un programa de prevención e sensibilización sobre a violencia machista que deriva na construción dunha rede veciñal de sororidade e axuda mutua. 

"A igualdade de xénero na administración municipal" é unha formación dirixida ao persoal técnico e administrativo do Concello de Ferrol. 

Trátase dunha formación integral para abordar elementos, conceptos e ferramentas para pensar en igualdade dende o noso posto de traballo.

"Igualdade de xénero na administración municipal" é unha formación de 10 horas dirixida ao persoal técnico e administrativo do Concello de Irixoa.

Trátase dunha formación integral para abordar elementos, conceptos e ferramentas para pensar en igualdade dende o noso posto de traballo.

Este itinerario formativo está dirixido a monitorado socioeducativo, deportivo e SAF con responsabilidade na execución de programas municipais a nivel deportivo, cultural e de coidados. 

Este itinerario formativo está dirixido a persoal técnico, político e administrativo con responsabilidade na xestión e planificación das políticas públicas municipais.