Reanudamos a nosa cuarta edición da Escola Feminista de Mulleres que Habitan o Rural: EspadELA. Lanzamos tres liñas de obradoiros dirixidos a mulleres de Ordes, Teixeiro e Sobrado. Estamos encantadas de volver a traballar: sobre as emocións e o corpo a través do obradoiro “Habitando o Noso Corpo”; na autoestima e nos liderados a través do obradoiro “Con Voz Propia”; e na nosa sabedoría e traballos sobre o territorio a través do obradoiro “Saberes en Común”.
