Quen somos

O equipo

Somos un equipo interdisciplinar composto por persoas que vimos de diferentes disciplinas. Esta diversidade permítenos ofrecer uns servizos integrais que se constrúen a partir de diferentes miradas e experiencias, pero todas unidas polo obxectivo común de poñer o feminismo no centro dos nosos proxectos.

Arabías non é un todo, senón que está formado por persoas, dende o seu lugar e a súa posición. Arabías somos nós, Bea e Belén, coa porta aberta para as aliadas e para un posible futuro onde sumemos enerxías de novas compañeiras.

As socias traballadoras

Beatriz López Rey

Investigadora predoutoral especializada en políticas públicas locais contra as violencias machistas. Licenciada en Ciencias Políticas, posgrao en Cooperación Internacional e Xestión de ONG.

Especialista en formulación, implementación, avaliación e transversalización de políticas locais de xénero. Experiencia en procesos centrados na participación cidadá e dereitos humanos. Formadora especializada en igualdade de xénero.

Ver CV

Belén Gavín Bermúdez​

Psicóloga social especializada na igualdade e na intervención contra as violencias machistas. Licenciada en Psicoloxía, posgrao en Xénero e Igualdade, mestrado en Orientación Educativa e terapeuta sistémica familiar en formación.

Psicóloga especializada na intervención psicosocial e comunitaria dende un enfoque sistémico e feminista. Experiencia na atención a mulleres e a colectivos en contextos de vulnerabilidade.

Ver CV

O que nos move

O principio central no noso traballo é o botrato: cara á nosa clientela, ás profesionais que nos acompañan e ás persoas ás que nos diriximos.

Traballamos coidando os procesos que impulsamos, poñendo en valor as persoas que forman parte del. Ademais apostamos por uns resultados que teñan garantía de sustentabilidade no tempo.

Cremos nas redes de cooperativismo e solidariedade, e por iso colaboramos con outras entidades especializadas para ofrecer servizos integrais coa maior calidade posible.