Arabías é unha cooperativa de traballo asociado sen ánimo de lucro creada en 2018. Trátase dun proxecto laboral que nace para posibilitar vivir desenvolvendo proxectos feministas de transformación social. Somos un equipo de traballo que vén de diferentes lugares e coñecementos, mais que ten fíos comúns tan importantes como os feminismos, o mundo social e o enfoque decolonial.

Traballamos de seguido por pensar e construír maneiras de relacionarmos no mundo laboral diferentes ás hexemónicas, porque queremos e confiamos en que son posibles espazos coidadosos que fuxan do mercado e da súa violencia.