Dende Arabías desenvolvemos procesos centrados na posta en valor dos coidados, tentando poñer esforzos para posicionar a vida no centro da xestión municipal e dos espazos de traballo.

Neste caso puxemos en marcha un proceso de apoderamento e de apoio mutuo entre as traballadoras do Servizo de Axuda no Fogar do Concello de Cabanas. Este proceso constou de varias sesións grupais onde se reflexionou sobre as dificultades do traballo dos coidados, os dereitos das coidadoras e a dotación de ferramentas de mellora a nivel persoal e profesional das mesmas. O proxecto culminou cunha pequena publicación divulgativa sobre o SAF dirixida ao conxunto da comunidade.

Dende Arabías asistimos tecnicamente a ONGs na elaboración de liñas de base a avaliacións de proxectos.

Neste caso traballamos da man de ACPP no marco do proxecto Elas Deciden, unha iniciativa de educación para o desenvolvemento que pon o foco na sensibilización sobre a situación dos dereitos sexuais e reprodutivos nos países do sur.

O noso traballo consistiu na elaboración dun estudo previo á execución do proxecto para construír un punto de partida que facilite a avaliación e valoración da consecución dos obxectivos formulados.